Në Agjencinë e Mbikëqyrjes të Sigurimeve sot u mbajt takim pune i nivelit të lartë  në të cilin morën pjesë, Sulejman Ahmedi, anëtar ekzekutiv i Këshillit të Ekspertëve dhe Igor Ivanovski, anëtar i jashtëm i Këshillit të Ekspertëve dhe  Guvernatorit të Bankës Qendrore të Kosovës Fehmi Mehmeti.

Qëllimi i takimit ishte këmbimi i përvojave dhe njohurive  si dhe thellimi  i bashkëpunimit në fushën e sigurimeve dhe lehtësimet  dhe dobitë që mund të përfitojnë qytetarët e të dyja vendeve nga ky bashkëpunim, duke pasur parasysh fluksin e lartë të lëvizjes së kapitalit dhe të qytetarëve të këtyre dy vendeve fqinje.

Siç u potencua edhe nga guvernatori i Bankës Qendrore të Kosovës, Fehmi Mehmeti, ata janë të kënaqur  nga bashkëpunimi i deritanshëm dhe gjithashtu do të angazhohen për përforcimin e bashkëpunimit edhe në të ardhmen.